ابيك ودروبي تمنعني

 

ايلاف الشمري _ حفر الباطن 

 

عليك جريت الحاني

ابيك ودروبي تمنعني

صوتك سرقني وعناني
ملك شعوري وولعني

غصباً علي صار سجاني
ياكيف بالحب طوعني ..

ويلي من الطيف لاجاني
دايم يبعثر ويجمعني

هواك ياروحي خلاني
العاشق الهايم المعني

مجني علي وانته الجاني
دايم بحبك تروعني

لجلك غرامي وتحناني
بأسبابك الضيق ودعني

يافرحة الخاطر العاني
أهواك وابغاك تسمعني

لا تترك ارواحنا تعاني
ترى لك الشوق يدفعني

ماغير يلهج بك لساني
تكفى دخيلك لاتقطعني

تعليق واحد على “ابيك ودروبي تمنعني”

  1. الف شكر لرابطه الابداع الخليجي

    رد

اترك تعليقاً

لن يتم نشر عنوان بريدك الإلكتروني.