احتزم بحزامك اللي مايبور
احتزم باللي يساوي له عشيرة
واعتزي باللي علىَ الطالة جسور
راعيَ الفزعات وفعوله كبيرة
راعيَ الوقفات في عسر الدّهور
لو يميل الوقت يبقالك ذخيرة
هو يسدّ اللازمة عند الحضور
يوم غيره ما يساوي نصف ليرة
والكفؤ ما نالها من به فتور
اللي سيفه ما يسلّه من جفيره
وكم سلاحٍ لا فهقته ما يثور
يخذلك لا صارت الدعوة خطيرة
كم رفيقٍ يعتذر كذبٍ وزور
يرتخي لا صار ت الدنيا عسيرة
والمراجل مي سوالف في سطور
والفتى فعله يحدد وش مصيره
والزمن لا بد على العالم يدور
سنة الله في عباده مستديرة
مهدي العطوي
