اعيش وحدي وانتظر ميـلاد فكـري بالقصيـد
واستحضر جنون الشعر اللي تطيـع اسيادهـا
واذا لفوني طأطئو ا في روسهم مثل العبيـد
كــلٍ يـقــول يـاسـيـدي حـنــا نـفــك اقـيـادهـا
حنا عفاريت الشعر ونبان فـي اليـوم الشديـد
وقـت المعـارك ننتـخـي بالـمـارد الـلـي قـادهـا
واذا دخلـنـا معـركـه نــذّوب انـــواع الـحـديـد
ونـطـفّـي نـيــران الـعــدو ونـوســده رمـادهــا
حنـا مـثـل بـحـرٍ طـغـى مايـركـده الا الحمـيـد
اللي بسط ارضه لنا وارسـى الجبـال اوتادهـا
حنا تحت امرك بعد ياصاحـب الفكـر السديـد
ياللـي بيوتـك بالشـعـر تــروي ضـمـى روادهــا
انتـم عفاريـت الشعـر لكـن انــا الشـاعـر لبـيـد
اذا بـديـت بفكـرتـي احـصـي جمـيـع ابعـادهـا
ثمّ اغوص ابّحرها واوصل الى العمـق البعيـد
والا السواحـل بالشـعـر ياكـثـر منـهـو سـادهـا
واجلب بكفي جوهره وانظم بها العقد الفريد
واهديـه لجنـون الشعـر اللـي تطيـع اسيـادهـا
الشاعر : عواد سحل
