اغـلى هـديه يـمـكـن انـهـا تجـي لك
مـرايةٍ تكـشـف عـيـوبك مـع الـنـاس
اسمـع كـلام النصـح لامن حكي لك
خلك وسيع الصدر لاتصير حساس
ماينصحـك ياكـود شخص يعني لك
يبغاك فـالقمه مثـل نادر الماس
لاتزعلك كـلمـه تـجـي مـن خـليلك
وتروح في هاجوس وخماس وسداس
ركــز ومـيـز واسئلـه وش دلـيـلك
ان كان صدق القول فـ أقبل ولاباس
اعــزم على التغييـر وانفض شـليلك
لاتعاند الواقـع مثـل طـابخ الفـاس
احـذر تـقـول الصـاحبـك يـاحليلك
مـن بعدها وزنك تـرا وزن قـرطاس
لاتـحاول الـتبـريـر يـظهـر حـثيـلك
وتـكـثـر الاعــذار تعرف بالافـلاس
بـدل مـسـاراتـك وغيـر دلـيـلك
ولا تستمع في راي حاسـد وبلاس
لوجاك فازع قـول يـالله دخيـلك
الحمره مـاتـنجب فروخ قـرنـاس
لان الـضعيف ضعيـف مايحتمي لك
لاكـبـرت القـاله تـنـكـس تـنـكـاس
احـرص عـلى اللي فـالقى ينثني لك
يفزع ولو يمشي على حدود الامواس
بحاله وماله معتصب يرتكي لك
لاضاق له خاطر ولاضاقت انفاس
لاضـدتك دنيــاك يـشـفـي غليلك
يعطيك مـن عمره بلا حد وقيـاس
هذا هو المكسب وخيرة حصيلك
وافي شبر مبعد عن دروب الادناس
رايـه وفـعلـه لـ الـثـريا يــشيـلك
عـزيز نفـس ورفقتـه تـرفـع الراس
نايف بن محمد