سرب الحمام اللي تعداني عصير
هيض شجوني هيض الله شجونه
غير علي الجو ياخوك تغيير
وانا بليا وهيضتني لحونه
ول لاجزاك الله يالورق في خير
هزيت مبنى خافقي من ركونه
وانته تعرف البير وغطاية البير
وتعرف قلبي وش دواعي شطونه
اللي ب قلبي عن جميع البشر غير
الله يحفظه ياحمام ويصونه
اوجس ب قلبي مثل دق الزمامير
وكني بي الصخنه ومابي صخونه
خلي جفاني واعتذر بالمقادير
الظاهر انه طاوع اللي يجونه
ارسل عليه يعتذر دون تبرير
وزرع الغلا ظامي وماتت غصونه
يانور عيني ماتفيد المعاذير
عبر الرسايل عذركم ترسلونه
مير اذكرن في خير واذكرك في خير
اذكر حبيب” كنت تسوا عيونه
ناظر خفوقي بالحشا كنه الطير
ينبض على حبك وباقي طعونه
الزرع مات وبعثرته المعاصير
شحت سحايب حبكم من مزونه
الشاعره .. الجوري
عضو رابطة الابداع الخليجي
