الشاعر خالد السرحاني وقصيدة (( الشيخه ))

الـشـيخـه الـلي شيخـة بـشـوت وهـدوم
‎وتــرزرزٍ وســـط الــمـجـالــس خـيــابــه

شـيخـة فـلـس مـاهي تـقـالـيـد وسلــوم
‎ولاهي عـلـى عـلــمٍ لـجـل يـقــتــدى بــه

شـيـخـة مـظـاهـر بـيـن هـنـدام وحلـوم
‎نــذخٍ غـدى وســط الـمـجـالـس طـرابـه

أمـثـالـهـم في مـاضي الـوقـت مـعـدوم
‎لــن الــرجـال بـقـلــب واحـــد تــشـابــه

في مـامـضى بـأفـعـالـهـم كــلٍ يـشـوم
‎عـن الــردى مـن خـوف لا يـنـحـكـى بـه

والــيــوم كــلٍ لــه مـشــاريـــع ورْســوم
‎كــلٍ يـــدوّر مـجـــد لــو هـــو نْــهــابـــه

لـو هـو تــردى قالـت الــنـاس مـحـروم
‎نـاسٍ عـلـى كــيــفـــه تْـعــلـّل جـــوابــه

عايـش على غـيـره كمـا عـيـشـة رْخـوم
‎كـسـبــه عـلـى راســه يـعــوّد مــعــابــه

دام الـرويبـض صـار يبـدع لي عـلــوم
‎عــز الـلــه أن الـوقـــت تــايــه صـوابــه

اليـوم أشـوف الطيـب ضايـق ومـهـموم
‎تـغــيــر الـمـفـهــوم واخــشـى ذهــابــه

الطـيـب ماهـو بــذخ وإسـراف بالـكـوم
‎ولاهــو يـجـي بـهــيــاط نــاسٍ غــلابـــه

ياكـيـف دهـن العـود يْـفـسّـر لـه كْـمـوم
‎وزره عـلـى الـلي سـنّـهــا مـن كــتـابــه

والـلي مشـابـه يلـفـحـه قـيـض وسْمـوم
‎يـقـضي طـويـل الـعـمـر يـطـرد سـرابـه

والـكـارثـه منـهـو رمى الـهـيــل لـلـقــوم
‎في مـجـلـس الـضيـفـان مايحـتـذى بـه

صـارت علـيـنــا تْــزيــد يـومٍ ورى يــوم
‎وتـرى الحظـيـظ اللي يحسـب حسـابـه

هــذا كــلامـي لـلـبـشـر كــلـــه عــمــوم
‎لـوهـو صحـيِــبـي وابـن عـــم وقــرابـــه

الـمجــد يـبـغـى لــه صـنـاديــد وقــروم
‎أدنـاهـم الـلـي بـالــوزى يـلــتـجـى بــه

أفعـالهـم بالـطـيـب سـجـل بـهـا وسـوم
‎خـيــلٍ نـمـيّــز ركـضهــا عــن خــبــابــه

مـاتـرتـضي بـالــذل ولاتـشــكي عْــزوم
‎تـدرى الـشـنـاه ومـاتـهـاب الـمـجــابــه

بـعـض العـرب إن غـاب مايلـحـقــه لـوم
‎مــدهــال لـلـضـيــفــان مـاصــك بـابــه

فـيـه الـوفــا والـطـيـب للـنـاس محكــوم
‎مــن ويــن مـاوجـــه كــريــمٍ جـــنـــابــه

وبعض العرب عايش مع الناس منجـوم
‎مـن ويـن مـاســاروا يــســيّـــر ركــابــه

لاهـو مـقــدر بـالـمـجـالـس ومـحـشــوم
‎مــدلـــبــحٍ راســــه ولا يــنــتــخــى بـــه

نــوب الـكـلام يـغــث لا صـار مـكــتــوم
‎ونــوبٍ يـقــال الـصـمــت عـــز ومـهـابـه

وأنـا شكـيـت الـصـمـت يـومٍ ورى يــوم
‎لـيـن انـتـحـى عــنـي وسـجــل غـيـابــه

الـحــر لــه مـاكــر ويـكـرم عــن الـبــوم
‎والـذيــب لامـن ضـاق يـفــرس بـنــابــه

ولاكـل مـن يـشـكـي عـلـيـلٍ ومـســمـوم
‎ولا كـل جــرح يْـفـيــد فــيــه الـطـبــابــه

تـمـت وصـلــوا عــد ما ســارت غْــيــوم
‎وإعــداد مـاهـلــت مْــزون الــسـحـابــه

على شـفـيـع الخـلـق فـي يـوم مـعـلـوم
‎شـفـيـعـنـا فـي يــوم نخــشـى عـقــابـه

خالد الماضي السرحاني