بحر الأحاسيس غنا .. يابحر جده
وأنا من الهم .. جيت أغني الحاني
أجيك متضـايق وصبري على حده
وأرتاح في ضفتك لو كنت وحداني
ماخفت موجك ولو جزره سبق مده
ماهمني .. بس جيت أبعثر أحــزاني
أرمي على أطرافك التفكيــر وترده
ذكرى أربع سنين لازالت بوجداني
مع عيطموسٍ .. تمدّ الحبل وتشده
جنَت عليّه .. وصرت بعينهـا الجآني
صدت وأنا يابحر م أصبر على الصده
وأقفت وأنا خاطري مكسور وآعاني
أجي على آمال وصل وشوقٍ أعده
وأرجع ماجتني وأنا في طور حرماني
جيتك جريحٍ .. دموعه حارقه خده
واليوم أودّعك الى ميعادنا الثاني
يابحر جده .. لاتقلق .. يابحر جده
أيام وأرجع لك إن كان الله أحياني
عبدالعزيز المرشدي
عبدالعزيز المرشدي
14/07/2018 at 22:41كلي شرف بأت تعانقكم هذه المتواضعه .
في مرسى النخبة ورابطة المبدعين
اخوكم /
عبدالعزيز