واشيب عيني كل ماقلت ودي
ياخذني الهوجاس بقفاي هوجاس
أحيان اروق وودي ابيح سدي
لكني مدري كيف الأوضاع تنقاس
أقول ودي لكن الوقت ضدي
الجلد مايصبر على حرش الالباس
ياما معا وقتي كسبت التحدي
وياما شربت امرار كاسا”وراء كاس
لكن موتي هم بي مستبدي
اتعب جفون الليل ورموش الانعاس
لا اقبل سكون العتم قام استعدي
كنه يصفي ثأر ما بين الأنفاس
في محجر عيون المشاريه حدي
عذري مصاب الوقت وأن جار لا باس
ماعاب بشفاه المشاكير كدي
ولا دورت كف العطا رد الاخماس
شيئا” يعدي وشي ماهو ب يعدي
والناس ماتعذر ولو تعلم الناس
الشاعر فواز العتيبي
عضو رابطة الابداع الخليجي
