الشاعر مفلح الثبيتي وآخر الليل

يا آخر الليل كيف اسْتَحْمِلك بكره
وانا من اولْك خارج قالب احزاني

احْسِب لك من امس وارفض منطق الفكره
اللي من العام عيت تطلق إلساني

طيِّب عشان العقال ورزة الغتره
وإلا عشان الضياع اللي بوجداني

وإلا عشان الوجع لا مرني ذكره
واستسلمت عيني وطاريه بكاني

يا آخر الليل لا تستكثر السكره
اللي من الجمر ماصلْتْ على شاني

من يوهم الصبح من يكذب علي فَجْره
من يقنع الشمس تشرق في وطن ثاني

من يستحل الحرام اللي نفخ صدره
اللي ترك كل خلق الله وناداني

صحيح ما هز في راسي ولا شعره
لكني اشوش لا قام ايتحداني

اما بصم لي على التوقيت بالعَشْره
والا فداه القلم والسيف واحصاني

الشاعر مفلح الثبيتي

                  عضو#رابطة_الابداع_الخليجي

2 تعليقات على “الشاعر مفلح الثبيتي وآخر الليل”

  1. يسلام صح لـسـان شاعرنا ابداااااع

    رد
  2. صح السانك وطاب فالك

    رد

اترك تعليقاً

لن يتم نشر عنوان بريدك الإلكتروني.