الصدر يغري للشاعر محمد الخشيبان

الصــدر يغــري عيون العاشق الهايم
وشلون أجل يوم صدرك فاض بهيامه

أشــرق مــن الثــــوب كنه للفجر قايم
يوم انتهض عجــل فــز وشقق الخامه

والشــفه اللي علـــيها يفـطر الصايم
انا اشهد انــه يجيب العـيد بصيامه

صورتك فــي وسط عيني يالغلا دايم
يشوفها العاشق فصــبحه وفحلامه

والله مـــانــي بنـاشـــد لومــة اللايــم
ونفسي على شوفتك ماهي بلاوامه

قلبــي مقــطع سبــوقه كنــه الحــايم
اللي مــن الجـــوع مـاشالنــه عظامه

طيراً على قنـص غيرك مقفي وشايم
مــايلــتفت لــو تــحــده دونـــك ايامه

وشلون ينساك يالامستجفل النايم
وانت بجبين الليالي كنك الشامه

محمد الخشيبان

اترك تعليقاً

لن يتم نشر عنوان بريدك الإلكتروني.