الوجـود اللي يتـرجـم مُفـردات الانعـدام
انـعـدَم بالمفـرده ماعـاد باقي له وجــود
والليال ِ عاتـمـه اسرابهـا جُـنـح الظــلام
من عقب ذيك الغصون اليافعه زهر وورود
والخضار المِعشـبَ اللي تخبره جَردٍ حطام
ماحظى من قربك إلّا هالقصايد والوعود
مابقى أرجو السموحه ماابوحه .. والسـلام
كل شاعر لانظم محكوم باعراف وحدود
قلتـها بيتين افـض فـض والملا كانوا نيـام
ماني راجي من يجـاري أو يعـلّق بالـردود
قلتها بيتين افـض فـض للسحابه والغمـام
والـقمـر عزّب لنِـا شمّرْ عـن الردنَ الزنـود
قلتها بيتيـن افـض فـض للقريحه والهيام
في شعور اللحظه اللي من شعوره لي تجود
لافي بن عايش السرحاني
