بالمجتمع تلقى منافق وكذاب للشاعر مفرح العنزي

بالـمجتمع  تلقـى  منافق  وكذاب
وبالعكس تلقى لك مطانيـخ يوفـون

ولا هو دليل ان شفت لك شخص نصاب
ان البـشر  مثـله. . ومثله يسـوون

قليل منهم ما حسب للوفاء حساب
والاغلبيــه  باللــوازم   يسـدون

لكن  تحـاشـا  واحـدٍ  كنّه  الـداب
ناعم  و سمّه بين  الانياب   مدفون

وبعض البشر في داخل القلب لو غاب
وحي الرجال اللي على الطيب يبقون

كل ما فتحنا  للوفا و الكرم  باب
من جودهم في كل الاحوال يرهـون

صحيح فيه اقراب واصحاب واحباب
لكن بعضهم بالشـدايد يغيبـون

ولاني بناشد عن مواقيف من غاب
ليا صار ما يفعل و ربعه يشوفـون

والوقفه اللي عند ربعي والاقراب
حقٍ لهم واهل الوفا ما يصدون

والوافي  اللي  للجزيلات  كساب
دايم على راس الفخر ما يجي دون

مفـرح سـويد العــنزي

اترك تعليقاً

لن يتم نشر عنوان بريدك الإلكتروني.