بدر بن لوقان
للهرج في بعض المواقيف تابوت.
و هرجٍ بليا نفع قوله مضرّه
رجلٍ من لحوم البشر ياكل القوت
و رجلٍ كلامه ودك يعاد كرّه
وأنا عن هروج القفا لابسٍ كوت
مالي مع الخيبات مثقال ذرّه
أصوم عن هرجٍ جلب كل مبهوت
ماني رفيق اللي حكاويه مرّه
يالله ثباتٍ لا لفت سكرة الموت
و مع خيار الناس دربٍ نجرّه
إن جيت ماني بالكبر رافعٍ صوت
و إن رحت قال الناس لله درّه
ياشيخ لو مالي عمارات و بيوت
يكفي رجل كافي عن الناس شرّه
صحيح جدي ما ملك عنبر الحوت
لكن طيبه بين ربعه مسرّه
شيوخ لو ما به على كتوفنا بشوت
بأخلاقنا نرقى ل/فوق المجرّه
