جفنً ينام وجفن يسهر ولا نام
تقعد تدالاه الهجوس الكثيره
مابين حط وشيل والواقع احلام
وبين الامور الكايده والمثيره
قفلت بيبان الضمائر بصمام
حطيت لي مجنب وطرقه وسيره
مشت قدم رجلي على الدرب قدام
لو كان شفت ان المسافه عسيره
ولو ان وسط الدرب مزروعً ألغام
مال الخطير الا الرجال الخطيره
لاتلتفت لااعداك لاصارو اقزام
خلك على دربك وحث المسيره
تَر ماينزل هامتگ كثر الاخصام
ترميك صدقان الرخا فالسعيره
الناس ماتبكي على موت صدام
تبكي على غدر العشير لعشيره
من الذي تسبب بموت همام
شيً يحط بداخل العقل حيره
حنا ماندري وش تخفيه الايام
ويالله عسى مايخفي الوقت خيره
سعد الهبداني
فريح المحيني
12/05/2018 at 08:59لاتلتفت لـ اعداك لا صاروا اقزام
خلك على دربك وحث المسيره
صح لسانك ابدعت