البـارحـة لـيـلي قـضـيـتـه هـواجـيـس
طـلـع عـلـي الـصـبـح مـانـمـت واعـي
مـن ضـيـقـة جـرت عـلـي الـكـوابـيس
بـسـبابـها ضـاقـت افـجـوج ٍ اوسـاعـي
خـذتـني الـذكـرى لـذيـك الـمراميـس
وصوت الذياب اللـي تـقـانب اجـياعي
وذكـرى الـجـبال الـنايـفه والـقرانيـس
وذكر الـسـباع اللـي اتسمى اسباعي
وخــذيـت اردد واتـعــوذ مـن ابـلـيـس
واقـول مـــال الــذكـريـات اي داعـي
واعـيـش واقــع فـيـه عــز ونـوامـيـس
وفـيـه الـمكـاسب والـمـدايـح اتشـاعي
قـسـمي خـذيـتـه بـيـن كـل الـفواعيس
واطــا علـى الـكـايـد وروس الافـاعـي
وسـمـعت قول مسيلـمه فالـكـوالـيس
اللـي تـخـصص فـالـهـروج الضـيـاعي
وقـلـت الـسلام ورحمة الله لـعـتـريس
وصديت وادري ان نجدتي من ذراعي
والـفـضـل للـي مـد جـوده بـلا قـيس
وأوامــره تـصــدر ومــنــا أتـطــاعـي
مهدي بن مسفر الحبابي
صياح الشويب
09/07/2018 at 18:42صح السانك يبو نواف مبدع