ان كان مالي عندك اليوم تقدير
ذكرى المحـبه طـيـب الله ثـراهـا
موت المحبة ما ترك فيك تأثيـر
وانـا بنفسـي يجبـر الله عـزاهـا
مشيت في دربك جميع المشاويـر
والنفس طابـت مالـقت مبتغـاهـا
سقت المشاعر لك وقفيت بالسيـر
مشـاعري مـاعـاد تـسمـع نـداهــا
اهديتك احساس منعته عن الغير
صدق المحبة وانت عارف مداهـا
ماجاك مني ياهوى البـال تقصيـر
حتى عروقي صرت تجري معاهـا
وجـزاي منك صدة ن دون تبـريـر
اللـي تحبك صـدتـك هي جـزاهـا
ليه انـت بعيوني زعـيم المناعـيـر
وانا بعيـنـك بـنـت ضـايع رجـاهـا
بـاكر لـيـا دارت علـيـنـا المـقـاديـر
تنـدم على اللي مستهـين بغـلاهـا
