ابي أسأل الليل وينك؟ وأسأل ابياتي
ويجاوب البيت همسي واقرأك بالجواب
ياللي عليك البيوت النادرة تاتي
انا عليك اترجل لو لبستِي حِجاب
ماعاند البوح لاجلك كثرة سكاتي
اكثر ماعاند عليك دموع بعض السحاب
اذكرك طفله قبل عامين با سباتي
وافيق واللقاك طفله تدرسين الحساب
الى متى؟ يكبر الحب دون لحظاتي
وانا انتظر تكبرين وتفهمين الخِطاب
يا طفلة التوت ! لو تُفهم كِتاباتي
أقرّها استاذنا موضوع وسط الكِتاب
لكن مشكلتي اكتمها علاقاتي
لو حب قلبي أحب يعيش لاجلك عذاب
لانك دواء للعذاب وحفظك وصاتي
ومعاهد الحلم لاجلك والخطئه صواب
يا طفلة التوت ، ياسرّ ابتساماتي
اذا كبرتي تعالي ناظرك بالعِتاب
عتابنا غير يمكن ( قُبلة ) آهاتي
ويمكن عتابي قفص صدري ودمعة ضباب
اعاهد الغد ماترك قلبك يحاتي
واعاهد الهمس مايكثر عليك العِتاب
ولو أسأل الليل وينك؟ قالت ابياتي
الحب رحلة قدر ماتنتظر للثواب
هذي بدايات حبك ذي نهاياتي
الأمس ماخلَّف الا دمعتين و سراب
الشاعر موسى آل ضاوي
