طواري الشعر مع الشاعره فجر الجنوب

شطرٍ كتبته ولا ادري ويش تاليته
افكار شعري بـدت تعلن طـواريها

اللي تمنيـت مـاجـــانـي ولا جيـته
غابت طيـوفـه وانا دايــم اراعيها

مدري وش اللي جــرالي يوم حبيته
كل البشر مـن حــواليّـه مجـافيـها

لو يطلب الروح من بـد الملا اعطيته
غـالي ويستـاهــل الدنيــا ومافيها

في وسط قلبي عديـل الروح حطيته
ماهمّـني قـاصـي العـالــم ودانيـها

كتـبت جـــزل القصــيـد وفيـه غنيـته
احساسي اللي يترجـم لي معانيها

اكتب بمعنى الوفا والشوق مخفيته
نظرة عيوني تبي تفضح خوافيها

من عزت النفس في لحظة تحديته
ماكنت داري انا وش هـي تـواليها

اليـن شـوقي ضنــا قلبـي وضميـته
اثر القلوب الوفيه الشوق يضنيها

ياليت يرجع قـديـــم الوقت ياليـته
وترجع لي ايــام شوقي مع لياليها

منـــوة عيـــونـي وغيــره مـاتمنـيـته
والعيــن ما ودهـا الا شوف غاليها

فجر الجنوب

تعليق واحد على “طواري الشعر مع الشاعره فجر الجنوب”

  1. رائعة ومبدعه الا الامام يافجر الجنوب كلماتك أسلوبك إحساسك

    رد

اترك تعليقاً

لن يتم نشر عنوان بريدك الإلكتروني.