عسى ليل الفراق : شيخة الهيلا

 

 

عسا ليل الفراق الي قتل شوق اللقا مايعود
تجرعنا مرار الفقد والحرمان باسبابه

تباعدنا وتجافينا وتجرعنا المرار بزود
وهلت دمعتي تسكب على الموقين صبابه

وشربت من الحزن كاسه وصرت مع الشقا موعود
وتعبت من الفراق الي قتل فرحي واحبابه

واخذت من الشقا وقته وحرمني راحتي ياسعود
وتغنا الليل في حزني بمواويلٍ تغنا به

وبكتلي صرخة الماضي على حبٍ عليه شهود
وقفت ليلة الفرقا بتسكير الفرح بابه

وتعودناعل مود الحزن يالله يامعبود
تبرد ليلة. الفرقا بمزنٍ شوقنا جابه

ويمطرنا شعور الحب وينبت بالضلوع ورود
وتطربنا الليالي مع لحون العشق واربابه

ونوادع ليلة ظلما غشتنا مع ليال ٍسود
وننسا الحزن والفرقا وننساالبعد وغيابه

 

 

اترك تعليقاً

لن يتم نشر عنوان بريدك الإلكتروني.