مفلح الثبيتي _ الطائف
فمان الله.. وادري ماوراها غير نزف جروح
وترحال الضياع اللي على الاطلال يبكيني
فمان الله ياجمر الكفوف. وصوته المبحوح
يانظرات الوداع اللي على الفرقى تواسيني
فمان الله يالذنب الحلال وسري المكبوح
يانبضٍ مسكنه صدري بعد زَفّت شراييني
فمان الله ياروح الحياه وجرحها المسموح
ياسر الضحكة اللي لا لمح طيفه يناديني
فمان الله.. يـ العشق الكبير اللي بناني صروح
ولَحَّفْني السحاب وعَلّم القمرا تغنيني
فمان الله ياغلى من نطق (يمه فدتك الروح)
ياميعاد الدفى واطْهر محطة في عناويني؛
فمان الله يابابٍ كِتَبْه الله امل…. مفتوح
وفج النور من صدره لجل نوره يقَدِّيني
فمان الله ياللي من بَعَدْك.. احيا وانا مذبوح
وضيعت الكلام إلا … (دخيلك لاتخليني)
الزهيراء
17/06/2019 at 05:49صح لسانك استاذ مفلح
واعتلا شانك
محمد عميـر الشــــهراني ابو غزيل
20/06/2019 at 11:18الشاعر والناقد مفلح الثبيتي يغوص في عمق المعاني ويحضر الدر الثمـين باسلوبٍ جميلٍ رائعٍ في قلب شعـري مذهل …..