في ثواني للشاعر احمد الكثيري

أندفعت وليتني ما اندفعت
اندفاعي كان اكبر غلطتي

من غبائي في ثواني لك رجعت
جيت اوضح لك وابين رغبتي

قلت بانسى كل مافيني صنعت
واتحد وياك واشرح قصتي

والعجيب اني من اول لك خضعت
يوم شفتك صدق هلت دمعتي

والغريب انك لعذالي سمعت
خنت حبي قبل تكمل فرحتي

للاسف فرقت بيدك ما جمعت
خاب ضني فيك خابت نظرتي

كم نهيتك وانت جاهل ماقتنعت
واحسايف ماتقدر كلمتي

وانا لو تطلب نظر عيني دفعت
لك عيوني يا عناي وبسمتي

لكن انك في قوانينك شرعت
انقطاع الوصل وشهي حيلتي

وانا ما عمري لغير الله ركعت
والوفاء مني عطيته همتي

في امان اللي له كفوفي رفعت
واندفاعي كان اكبر غلطتي

احمد الكثيري

اترك تعليقاً

لن يتم نشر عنوان بريدك الإلكتروني.