في منتصف ليلي للشاعر مهيب

البارحه يوم انتصف ليلي ايقنت.
 اني على ميعاد مع طلعت النور.

فكرت في وضعي شوي وتعينت.
وانتابني هاجوس واحساس وشعور.

يا ليتني من هاجس الشعر هونت.
يا هاجسي فالشعر ما انته بمكبور.

ويا ليتني  لمصادفك ما تبينت.
لا عاد تعذرني  ولا انته  بمعذور.

ليل دجى ما ينسري به وانا وانت.
عهد علانا ما نحول عن الكور.

الا  ليا  طلعت  للعالم  برنت.
عن من بديوان العرب يلعب الدور.

لاتلحق اللي يطربك كان دندنت.
اللي  بجزلات  التماثيل مذكور.

نبا نبين خالي العرف لاهنت.
اللي عن الجزلات ما معه مقدور.

بداع ويقول اشهد اني تفننت.
وهو على ما قال ماهو بمشكور.

فيه العلامة واضحه لن تعينت.
يفرح ليا قلت انت شاعر ومشهور.

ما يدري ان الناس يقلون لا عنت.
 هرجن بلا معنى على بيت مكسور.

عز الله اني فالقصايد تمعنت.
 اللي يرددها على الناس حنجور.

شاعر بدون شعور واليا تفطنت.
تلقى معه من واهي الخلق جمهور.

مجنون واليا قلت وشبك تجننت.
يقول شاعر واترك الوضع مستور.

ان زنت يا بيت القصيده ولن شنت.
اهم شي اقلط لو اقلط على سور.

هذاك جعلك بالقصيره لقننت.
يعرض لها مع درجة النار وتثور.

يا سامعن برسالتي وين ماكنت.
الشعر لا حصري ولاهو بمحكور.

ولا اقول في بدعي لبيته تمكنت.
 ولا اقول راحوا به حبيب ومستور.

الشعر له برهان وانكان برهنت.
ماهو بمنك انكان برهنت منكور.

قصيدتك يا رعي المعرفه بنت.
واليا بدت عوراتها عار وقصور.

يالله عساني في تماثيلي احسنت.
ومتمم فروضي ولا لحقني جور.

صليت لكني بعد ما تسننت.
عساي فالسنه و فالفرض ماجور.

يا سامعين القول انا بالله آمنت.
 مسلم ولا قايل ولا شاهد الزور.

فالمعرفه  دينت  ولا  تدينت.
وبالمقدره عفيت عن كل معسور.

الشاعر مهيب

اترك تعليقاً

لن يتم نشر عنوان بريدك الإلكتروني.