عوضه عثمان
وش يعدل قل الأفعال ياكثر الكلام
والله ان قلبي من اللي عثى فيه يغلي
مانمر اصحابنا الا ودافعنا سلام
روسنا ونفوسنا من عطايا الله ملي
كلمة الرجال وافعاله امضى مالحسام.
والخطيه من خويا كفو تثر علي
والله انا روس الامداح حامين الجهام
ماندور عند الاجناب شاه ولاطلي
ان عطينا نعطي الجزل عن زود الملام
وان خذينا مانروح ونلقيها الخلي
ضيقتي مثل الغمام اللذي فوقه غمام
يوم عيا لايحول وعيا ينجلي
ماطلبتك يارفيقي من الدنيا حطام
القناعه لو تركز شوي مني ولي
يعرفون الناس مبداي وعلي الحرام
صاحبك لن كنت صاحبك قدره معتلي
خل صحبتنا على الطيب وعلى الاحترام
لاتضيق صدر مغليك واسمع مايلي
انا عندي فوق الامداح والجزله وسام
مالك الا مرحبا لين توصل منزلي
عدني لاضاقت وشانت ايامك حزام
لاتوهم بي خطيه ولاترضى علي
الزهيراء
13/06/2019 at 05:59صح لسان الشاعر المبدع