انا اشهد انك عن الانسام فارق خُطى
وانا اشهد اني عقب غيبتك لك وافية
يا اللي ملكت الحنايا لا يطول البطا
عقبك جميع المشاعر شوفها غافية
قربك صحيح وأكيد، وقرب غيرك خطا
يا مزيّن الشعر بالتصوير والقافية
بك هام قلبي وباقصى الروح حبّك سطا
نظرة عيونك أمان وبسمتك عافية
يا نادر الوصف ما مثلك على ارضي وطا
انت السلام لبلادي وغيرك المافية
يا دعوتي المستجابة يوم ربي عطى
يا أمنية في حشايه قد لها خافية
لحظة وجودك بقربي من جزيل العطا
اشوفها عن سنيني كلّها كافية