لهفة الشوق

ميلاف الشعر

بانت ملامح لهفة الشوق فيني
حاولت اخفيها وأصد التنهات

ماهي غريبه ضيقةٍ تعتريني
لابطى وخلا الشك بالصدر يقتات

ودموع تذرف حارقه جفن عيني
وهاجس يسطّر من معاناتي ابيات

الله يسامح صدق حبي وحنيني
اللي أبعدتني عن جميع العلاقات

اغيب وشعور الحزن محتويني
وافكار تفتح في خيالي ملفات

اشوف فيها اللي ورى دمعتيني
واجر مـن حـر الـتـوجّاد ونات

الليل لاسباب السهر يشتكيني
والصبح يشكي للطيور التشتّات

ياضلوعي اللي تشتكي من آنيني
صبرك عسى بعد المجافى سلامات

يا صاحبي شـمّت بي عاذليني
ارجع ترا ماعاد فـيني تثبّات

انت الهواء متنفسي واكسجيني
اشم ريحك فيه واحضنْه بسكات

واشوف عينك بالصور تحتريني
واقـرا تـعـابيرك وارد الـتحيات

لكـن مـدام ابــ نـيـتـك تبتليني
رجّع علي عقلي اعيش بْه لحظات