ليت مالي قلب ينبض ،،،،ولا لي ذكريات…
ليت مالي حب ماضي ،،،قتلني بالحياه…
ليت ماغاب الوفاء ،،مابقى غير الشمات..
ليت مالي غير خيمه ،،بها نسكن حفاه…
وليت طعنات القرايب،،، تعافى في سكات..
ليتني باقي صغيره ،،مع اغنامي رعاه…
ليت مالي حس يشعر،،، بمن حولي رفات…
ميت الخاطر ونبض المواجع،،، ما لدهاه..
ليت ماعشنا بدنيا،،، بها قهر وممات…
ليتنا باقي بجنة ،،،بها كل الحياه
مع طيور الجنه انطير ،،مانعرف آهات..
مايكون حنا نزلنا،،، على كوكب حصاه….
وقلب كل الناس حب،،، وتشكي مالشتات…
مير رب الكون كاتب لنا خير الحياه..
ماظلم ربي ،،،وحرم على عبده يبات..
خاطره مظلوم ،،لكن درب اهل النجاه…
حنا بالدنيا نقابل ،،،وجوه ن سيئات..
مهما نحسن ظن فيهم،،، نلاقيهم عراه..
ظنهم سيء ولايعرفون،،، الموجبات..
يظلمون الشخص ،،بالظلم جبروت الطغاه
يالله تحفظنا ،،،من اللي طريقه باهتات..
نمشي بالدنيا على خير ..وان حان الوفاه..
ننتظر عطفك علينا …عطايا مدهشات..
انت تعلم سر خلقك .. وضعفه والسواه..
يوم تسمع صوت من بطن حوت الظلمات
واستجب يارب قولي ونسألك النجاه
استجب يارب واقبل دعا وادهش وهات
اسمك الرحمن واسمك تعالى في علاه
الثريا
