ماني بشاعر كل يومن قصيده
ولاني بشاعر لاجل صوت الفلاشات
اتعب على نظم القوافي الفريده
والياحضرت ارج كل المنصات
والنقد لاجاني اشوفه واعيده
وارتبه واعيد كل الملفات
النقد للشاعر مفيد ويفيده
ويعلمه عن كل كبوه وعثرات
لاصار من نقاد شعرن تجيده
يجنبك درب الزلل والمتاهات
والشاعر اللي مايجمل جديده
اخير له يثبت على ماضي فات
والمدح في كثر العرب لاتزيده
لاتصير مداحًًًً على كل مشهات
والسب ماعز الرجل في نشيده
لاتخص في سبك ولاتصير قتات
ولاتغزل في خيال البعيده
وارفع وصوفك لاوصفت الخوندات
والشعر اخذت اللي ابي من رصيده
وكفيت عن كثر السوالف والافلات
قدام لايكتبه مثل (الهبيده )
وقدام لاتنشره بعض المجلات
واوزن كلامي واتقيد واريده
يفرح صديق ويقهر اعداء وشمات
وانا من اللي مجدهم ماتبيده
سود الليالي لو تعاقب سنوات
من الجحادر واعتزي في عبيده
ربعً لهم في الطيب صوله وجولات
اما كسبت لهم اعلومن مجيده
والا بلاش من القصايد والابيات
شديد ال سعد
