مسيئة عكاظ بعيون شاعرات الخليج

إمن السعوديه ومن ساس العرب
ونطبّق السنه على هدي الحبيب

والقلب من حب السعوديه شرب
اليا زهمتنا……. مملكتنا نستجيب

*عزيزه ال ثامر*
:
حنّا سعودياتٍ أخلاق وأدب
والستر فينا والله إنّه مايغيب

اللي يحاول مثل نقار الخشب
يبي يخرّب لكن آخرته قليب

*عهد الوفاء*

ياطاهره وش لك على صوت الطرب
جحر الخنا لابد ياتيه السريب

من يقبض العروه تهنّى واقترب
حول الثريا .. ياهنا منهو قريب

*دلال القحطاني*
:
انا سعوديه… عفافي …ماغرب
الطهر يشرق دونما شك وريب

اعقولنا ميزان حقٍ.. ماضرب
نتبع شريعتنا ونرفض كل عيب

*ريف شمران*
:
ياموطني الغالي ترى ترابك ذهب
هقواتنا في لازمك ماهي ..تخيب

رايتك خضرا رفرفت فوق المهب
كنّه يقول إنا عمى عين الحريب

*سميره العتيبي*
:
بنت الرجال اللي كما طهر السحب
في الستر والعفه وجانبها مهيب

اليا اعتزت من دونها سيفٍ حدب
مصيونة ٍ في عرضها عمّا يعيب

*شواهق نجد*

انا سـعـوديه من العيب ارتـهـب
محدن لعرضي يقدر بسهمه يصيب

حبي لأرضي في الشرايين انسكب
يجري بدمي والصدر لجله رحيب

*ميلاف الشعر*
:

حنــا بنــات المملكــة وزن الــذهب
بالعلم نجتاز القمم حشمة وطيب

ياهل العقول الناقصه هذا كذب
شمس الحقيـقة مـاتـغـطـا ولاتـغيب

*فجر. الجنووب*

بنت السعوديه عفيفه ….يا شنب
ما تقرب من العيب وافهم يا لبيب

بنت الوطن مصيونةً عز و نسب
نظراتها فوق الهقاوي ماتخيب

*الكايده بنت ابوها*
:
من يحسبنه لاصهلت خيله كسب
يكسب!!ولكن مكسبه جرحٍ عطيب

نشعل بغيرتنا.. له اكوام الحطب
نرميه فيها لين نسمع له نحيب

*ريوف القوافي*

انا سعوديه عن العيب اجتنب
وأنا اذكر الله دوم في جهرٍ وغيب

للدين والآداب والطيب انتسب
والسمعه اللي مابها شكه وريب

*سلمى القرني*

بسم اللّه الرحمن يامنشي السُحب
الواحد الفرد الصمد يامستجيب

تحفظنا من شر العِدا وأهل الحَرب
اللي على السيّه وطاريها لبيب

* روح الخمعلي *