عندما تجتمع جزالة الخلق وغزارة الحرف مع رقي النفس ونقاؤها حينها بلا شك سنستمتع برائعة من روائع شاعرنا القدير نايف بن محمد
رفيقي اسمح له ولو زل بحكاه
لانه رفيـق وخـابره واعـرفه زين
اما انها عّبره ولاودي اقصاه
ولا انهـا غلطه واعلمه بعـدين
كم واحدٍ يبي السنع لكن اخطاه
وانا طويل البال لا الربع الادنين
وش خانت الرجال لقفو دنياه
لوهو شجيع الراس كنه بلا يدين
ربع الرجل درعه ليا طاشو عداه
وقوفهم جمبه يسـاوي ملايين
- من لا سفه ضعف الكلام وتعـداه
بيروح عمره في مجادل ضعيفين
بمهل على المخطي وللحق ابحداه
باراعي الرفقه ومن قبلهـا الـدين
بالرفق والاحسان بحاول انهاه
باشجعه واقول له ياحمـر العين
من زل بـ السانه ترا الناس تشناه
يرخص ولو هو من رجالٍ عزيزين
وأن دقـر المـثبـور فـالامـر لله
مسكين يحسب من جموع المساكين
لابد يلقى شخص مثله وشرواه
المجتمع مليـان ناسٍ مجـانين
اماجمعت الشمـل لايمكن انفاه
اسعى لوصل الصف ماقول صفين
قلب الرجل مافيه يبديه مبداه
اليـا تكلـم ميـزوه الفطينين
وحده من الثنتين لابد تزهاه
كلمة (نِعّم) لولا وهي لسلاطين
والثانيه ياشينها صدق شيناه
من جابها عزالله ان قسمه الشين
نايف بن محمد
فريح المحيني
26/05/2018 at 03:44قلب الرجل مافيه يبديه مبداه
اليا تكلم ميزوه الفطينين
لله درك وصح لسانك ابدااااع على ابداع
مفلح الثبيتي
26/05/2018 at 03:48يسلم راسك يالجزل