هنا مكانك : شجن

ياواحشه كل الحياه أبكاني..
شوقٍ ملاني بالخفا يشعاني..

اللي بلاني بالعنا والحاجه..
لاحضانك اللي بالـ هلا تلقاني..

ولعطرك المتفرّد ولانفاسك..
يااااريحة لثامٍ تلمّ أحزاني..

هنا مكانك بالضلوع ويبقى..
يبقى مكانك يالملاذ الحاني..

في داخلي تبقين لو غادرتي..
لو ان زولك روّح وخلاني..

لو غاب حلو دْعاك مايرفعني..
بيدينك لـ ربّ السما يرعاني..

وشلون ابنسى وجهك المتبسّم..
اللي ينال بـ زينه استحساني..

وبهجة صباح العيد يا مالكته..
يومي اسابق بالسلام اخواني..

عزّاه ياعيدٍ بليّا شوفك..
يابيتك اللي وحشته تملاني..

من يوم وجهك غاب ماعانقني..
إلاّ الأسى في داخلي يبلاني..

مشتاااقه لحضنك ولا لي حيله..
إلا قصيد من الشقا غنّاني..

عساك بيدين الولي وبحفظه..
والله يصبّرني على ماجاني..!