انت ياللي لاظحك وجه الجمال وطاب فاله
تظحك بوجهي وتظحكني وتظحك لك جروحي
تظحك الدنيا بعين مولعآ وقته صفاله
لحظةٍ فيها تبسم له محياك السموحي
والله اني ماهقيت ان الدهر فيه العداله
لين شفتك يالحبيب تغازل بظحكتك روحي
تاخذ صدودك من عيوني وتعطيها بداله
بسمةٍ من وجهك الطاهر و غرّتك الصبوحي
وجهك اللي لاتجلى مايوصف في جماله
لابتسمت بثغرك المغري وشفتك الذبوحي
انت حلمٍ ماحلمه انسان حتى في خياله
انت ياللي تفظح اشواقي وباسراري تبوحي
خلني طيراً يطير بعالم احلامك جهاله
ماعطاني منك عقلي غير تعذيبي ونوحي
ليتي ادري عن قصيدآ ماكتبته فيك واله
لاكتبت اغلا القصايد من معاناتي وبوحي
وليتي ادري عن زمانً جرّحت فرقاك باله
لاظحك وجه الزمان اللي بجياتك يفوحي
