ياحابس القرم راس الرجم عديته
لاني بشفقن ولا له جيت طرباني
لكن من ضيقة في القلب باليته
لاقلت ياقلب هانت قال وش هاني
وطرقت روس المبادي لين عنيته
وقعدت في راس رجم الغي وحداني
باسباب خلن هواني لين حبيته
معطيني العهد في وصلي ولاجاني
كم مرة جيت عاني له وخليته
اصد عنه وانا اناظره بالعاني
معزتي ثابته في صدور اهل بيته
وانا اشهد انها سبب شري وخذلاني
ريمن خشوف شرود مانشهر صيته
ولاهرج فيه فلتان وفلنتاني
بغيت اصيده قبل عامين واخطيته
حسبي على من وقف دونه وعداني
ياليتني من بني عمه وعانيته
والا ان جده يعود لاصل جداني
وابرد فؤاد كواه الحب واشقيته
عليه ذاق الغبن والحزن واشقاني
لانادو اسمه بليا شعور لبيته
تقول كانه يناديني حدا اخواني
مع هجوع العرب ياكم تمنيته
وكم ليلتن بت في ذكراه سهراني
الكبد فيها تقل مرن وحلتيته
والعين تهمل سكيبن كنه وداني
صبرت صبرن ولا ادري ويش تاليته
الله لايمتحن صبري ويبلاني
ان ماحصلي تراها قربت الميته
وان مت فاخذو بثاري منه باحساني
واخترت حابس من الشعار واعطيته
قافن يفصل معانتي وما جاني
شديد ال سعد
