ياطير خذني معك من فوق متن السحاب
خذني من الاض وابعد بي عن العالمين.
–
بعيش في عالمك و انا عزيز الجناب
وبقى خويك على مر الزمن ولسنين.
–
مليت كثر المجامل و الزعل و العتاب
وحملت همي على الجنب الصبور المتين.
–
اعيش في عالم الدنيا بليا زهاب
واقول يمكن بعد بكره ظروفي تزين.
–
ذي حالتي مع هواجيسي ذهاب و آياب
و اضحك و اسولف و وسط الصدر سرٍ دفين.
جربت مر الحياة بوسط سكر وذاب
وخذيت من تجربات الوقت شي ثمين.
–
شي سمعته وانا جاهل بسن الشباب
اليوم عشته وانا ماجيت سن اربعين.
–
يالله عفوك قبل يسكب علي التراب
وتسجل اسمي ورقمي صفحة الراحلين.
–
وارحل من الارض وعيوني عليها ضباب
ما اسمع من الناس ياغير الدعاء والونين.
يارب خفف عليه من شديد العذاب
ياالله يامالك العرش القوي المكين.
–
رحمتك يارب لاجاني نهارالحساب
يارب عبدك ضعيف برحمتك يستعين.
–
يالله عساني من اللي في يمينه كتاب
ياحي ياقيوم تجعلني من الفايزين.
الشاعر/ ناير العازمي
