يالله بغيمن يشوق عاشق الصحراء
ويعيفه فـ الدوام ،، الـيا انهمل سيله
.
ويشوقه للخوي والجيب والمسراء
لديرتن تبعد الارهاق وتزيله
.
برن ينسيك جو الديره القشراء
وازعاجها اللي يغث بـ صبحه وليله
.
شوفه علاج النفوس ويشرح الصدراء
ويشفي خفوق العليل وهمه يشيله
.
لا أنهل ودان مزنه حزة العصراء
يحلا لك الكيف الاشقر من معاميله
.
في روضةً فايضً ماها ومنتثراء
من فضل ربي اتزايدها مخاييله
.
اسبوع لاعشبها بالارض منتشراء
خضاره يسر ناظر كل عانيله
دمعة وجد
