رياح الوفاء_الرياض
اخـفـي جـروحـي كلـهـا رغــم الآلام
وضحك وانـا يانـوف نفسـي حزينـه
مـا همنـي يـا خيتـي مــوت الأحــلام
ميـر الـبـلا نــزف الـجـروح الدفيـنـه
لا تعذلـيـن القـلـب والـقـلـب مـنـظـام
عـاش الهمـوم اللـي تـغـرق سفيـنـه
مــرت عـلـي اعـوام واعـوام واعــوام
وانـــا لـهـمـي والـمـشـاكـل رهـيـنــه
كـنــي انـــا لـوحــة وقـــدام رســــام
حـاولــ يعـدلـهـا وتـعـبــت يـديـنــه
ويوم ن تعب شخبط عليهـا بالأقـلام
وأخـفـى ملامحـهـا بقـبـضـة يمـيـنـه
هـذي حيـاتـي كلـهـا حــزن واوهــام
وهــذا الــذي يـانـوف مــا تعرفـيـنـه
حطمت في حزن البشـر كـل الأرقـام
واللـي مثـل حالـي عسـى الله يعيـنـه
وما يشكي المسلم على الناس مادام
الـلــي مـقــدر لـــه يـشـوفـه بعـيـنه
يــارب زيــن مــا بقـالـي مــن ايـــام
يــا واحــدن يسـمـع نــدى سائلـيـنـه
