يا سيد الغيد

ياسيد الغيد طالت غيبتك عني
وشفيك ياصاحبي طولت بغيابك

ثلاث اسابيع مادقيت طمني
طال انتظاري ما ني عارف وش اسبابك

عزالله ان اليالي خيبٍ ظني
وانا اتحراك يوم الوقت ما جابك

ارجوك عجل عليه لاتجنني
طواري الشوق ودني على بابك

بس انتبه لآتغرك ضحكة السني
تراي لآقفيت عنك تموت ماشقابك

والله لتبطي محدآ معوضك عني
لتبقى ثلاثين عام اتارجع احسابك

لكن طعني قبل لآتبتعد عني
لآترضي اعداك وانت مزعل احبابك

أنكان الاسباب ياسيد البشر مني
عاتب وانا راضيٍ يازين بعتابك

اجرح خفوقي شوي شوي واطعني
وليا تمكنت جرحك واخر احرابك

ولآشفت جرحي نزف في صدرك أحضني
وان مت بيديك كفني من اثيابك

ارجوك خذها نصيحه قبل تدفني
نصحية الشاعر اللي مات با اسبابك

تكفين لآجوك ربعي واسئلو عني
احكيلهم قصتي من سبة اغيابك

قولي رحل والله انه مازعل مني
وخلي دموع الوداع تغرق أهدابك

نهاية الحب والتقدير والفني
امانة حطها في صفحة أكتابك

الشاعر:نايرالعازمي