يـسـايق الـغـر الشاعر : عيد الهبداني

يـسـايق الـغـر لـ الـقاع الهـميـد المـحـيل
تسقي رغـابه ويخضر كـل عوداً صرم

يـبـاعـث الخـلـق فالـيوم العـظـيم المهـيل
تجـز الـنـفـوس بعملها والـجـزاء ماضلم

ي الله مـالـي سـوا رحـمـتـك قـوه وحـيل
يامـوجـد الـكـون جـلـة قدرتك مـن عـدم

فيك أتكـالي وحـسـبي وانت نعم الـوكـيل
أعـوذبـك عـن زوال الـعـافـيـه والـنـعـم

يالله يالواحد الـفـرد الصمد يالـجـلـيـل
تحـفـظ وطـنا مـن الـفـتنه وشـر الـنـقـم

من دون حـده حماته مانصـافح عـمـيل
شبرن من أرض الوطن دونه قسمنا قسم

من دون حـده مـقـابيس الـوغـى بالـفـتيل
وقـفـاتـنا تحـكي الـواقـع بـعـز وحـزم

حـنا ذرا الـدار مافـيـنـا ضعيف وذلـيـل
نرخـص ارواح المـعـزه دون حـد الحرم

بالارض مـدفع ودبـابه وشـهـمنً سـليل
وفــ الـجـو نـفاثةً تـطـلق لهـيب الـحـمـم

بقـيادة أبو فـهـد مروي سنـان الـصقيل
سلـمـان سـقـم الاعـادي ورتـفع ياعـلـم

سلـمـان لاقـامة الاعـدا تـغـيـض وتكـيـل
يـدلي عـليـهـم بكـفن ياضرب مـارحـم

ولي عـهـده وريث المـجـد مـشـف الـغـليل
في كـل موقف يجي صوبه يحـوز النعم

سُوَر الوطن والمواطن مزّبنين الـدخـيـل
يفخربهم كـل مـن ديـنـه وعـقـلـه سـلـم

ولائـنا فـطـرة الـخـالـق وفـي كـل جـيـل
وهذا مايـزعـج أعـدانا في ولانـا لـهـم

ويالله يالـواحـد الـفـرد الـصمد يالجليل
تـحـفـظ وطـنا من الفتـنه وشـر الـنـقـم

الشاعر : عيد الهبداني

اترك تعليقاً

لن يتم نشر عنوان بريدك الإلكتروني.